آآآآخر اللقافة شوفو وش آآآآخرتها............

آخرة اللقافة شوفوا وش اخرتها ؟؟؟؟

اللي بيضحك على سالفتي ياليت يتعدى الموضوع ويروح لموضوع ثاني لأني بيني وبينكم أكلت من التفشيل إلين شبعت

المهم السالفة وما فيها واحد من الشلة متعودين على هباله وسوالفه وعربجته ومسمينه السن الظاحك في الشلة
اللي صار أنه في يوم من الأيام شكى لي واحد من أخوياي غير اللي نتكلم عنه يقول أن خوينا ذا صاير رومانسي بالحيل كل وقته تفكير وهواجيس في .....؟
وصار ما يحضر معانا في الاستراحة مثل الأول يعني حالته مستعصية مرررة (وللإفادة إحنا عندنا الرومانسي في الاستراحة في أزمة ولازم يتعالج)
المهم سوينا قرعة مين يعالجه وطلع الدور علي ووالله من قرادة الحظ عاد أنا ضربت بإيدي على صدري ومسوي فيها حرّيف وقلت : بتشوفون خوينا بيتعدل على إيديني إن شاء الله "جاك الموت يا تارك الصلاة"
المهم بديت بعملية مراقبة وتحري ورى الضحية وفي يوم من الأيام المشرقة بنور الشمس الحارقة شفـته يطلع من المقلط اللي كنا فيه ويروح للملحق مندس في أحد الزوايا ومعاه جواله ويتلفت يمين ويسار ولما تأكد أن الجو أمان " مسكين ما يدري عن كونان اللي وراه مثل ظله "
شوي إلا أسمعه يقول : هاه حبيبتي ...لا أفديك بعمري يا طوايف أهلي ....أشتقت لك .....(ومن هالكلام طبعا في كلام مشفر هع هع)
عاد أنا فتحت فمي على الآخر ومنو متى صار السن الظاحك منحرف وراعي حريم ..هه والله لأوريك شغل الله عدل
المهم رجعت لأخوياي وقلت لهم السالفه وسوينا إجتماع عشان نحل هالقضية العويصة تعرفون يعني نخليه يلعب على بنات خلق الله لو كانت أختي , أمي , شغالتي الإندنوسيه .. يعني ولو , لازم نبيد هالخرابيط من راسه عاد محدثكم طلعت جمب راسه لمبه (يعني طلعت عنده فكره جهنميه ) فقررت أننا نسرق جواله ونتصل على البنت اللي كان يكلمها وأحذرها من خويي الذئب البشري المهم نرجع لموضوعنا
المسيكين ..لا لا قصدي المجرم دخل لدورة المياه وحط جواله على المغسلة ولا يدري عن اللي مستنيه المهم قمنا بعملية إختطاف للجوال وطبعا المختطف أنا وبكل فخر وفتحنا جواله ودخلنا على المكالمات الصادره ولقينا آخر مكالمه مسجلة بأسم "غلا عمري " أيه هين المهم سوينا قرعه للي بيتصل وطبعاً أكيد عرفتوا من طلع عليه الدور ومنو غيري مقرود فيهم المهم دقيت وردت البنت على طول " ماصدقت " وقالت : هلا حبيبي , قلت أسمعي بلا حبيبي بلا خرابيط يا الخبله عطاك كلمتين وصدقتي أنه يحبك أنتبهي على نفسك منه لا تنجرين ورى كل كلمه حلوه "طبعا وأنا أحكي أسمعها تحاول تسكتني بس مطنشها " يعني لو قال أنه يحبك بتصدقينه والله أنك مخفه وهو من متى عرفك عشان يحبك أنتبهي على عمرك ولا توطين راس أهلك في الأرض أدعي ربك يجيب لك الرجل الصالح اللي يظفك ويهنيك وبطلي هالخرابيط ويالله مع السلامه طبعا أخوياي طول المكالمه وهم ماسكين بطونهم من الظحك ويقولون لي :والله انت مو هين وطبعا ً حذروني من أنه لو درى عني السن الظاحك بيذبحني فلازم أهاجر من البلد وأروح لجزر الكناري مثلاً أو أي مكان أتوزى فيه إلين تهدى الأمور عاد أنا شبيت من كلامهم وقلت: ليه وش شايفيني قدامكم نعامه على غفله لا وأنتوا الصادقين بأحرجه قدامكم وأعلمه كيف يلعب ويسوي فيها ذيب قاموا اللي يصفق لي واللي يصفر لي عاد أنا راسي كبر ما عاد يملا الغرفة
المهم طلع المتهم من دورة المياه وخذ جواله بعد ما رجعناه لمكانه علشان ما يحس وقال لنا يسأل :شباب جوالي رن بعد ما دخلت الحمام وإلا جتني رسالة
قلت وبدهاء :ليه تحتري أحد
قام أختبص وصب عرق وقال: هاه ..لا ..بس..
قلت مسوي فيها طرزان: ليه تتوقع غلا عمرك إتصلت
عاد المسيكين ظاعت علومه و صفّر وجهه وصار مثل الليمونه وقال : وش تقصد!!!!!
قلت وأنا أقرب منه : أفا يا فلان هذي مهيب هقوتي فيك تلعب على بنات خلق الله وما يهمك وش بيصير بعدين لو هي أختك بترضى أحد يسوي فيها سواتك وش تتوقع يعني أنك بتستانس وتطلع منها برئ ما تخاف ربك
قال : أنا ...
قلت بعد ما حسيت أني المسيطر : لا أنت ولا هم يحزنون البنت هذي شلها من راسك إحنا بصراحه"ما قلت أنا موب خوف لا لكن عشان الجماعه تغلب الشجاعه شفتوا كيف " أتصلنا عليها وحذرناها منك فالأحسن لك شلها من راسك
طير عيونه وساد الجو الهدؤ والكل يترقب وش ردة فعله وأنا بصراحه توقعت يرجمني بنعاله وإلا يكفخني وإلا .....إلخ

شوي قام من مكانه وجى يمي وحط يديه على كتوفي وقال: والله أنك شنب ورجال ما توقعت فيك هالشهامه عالعموم حبيت أخبرك أن هالبنت أنا ما ألعب عليها ولا شي واللي أسويه معها موب حرام لكنه حلال وحلال لي أنا لحالي
سكت أنا لأني بصراحه ما فهمت كلامه بعدين قلت : لا يكون ....

قال وهو مبتسم عالآخر : أيـــوه هذي خطيبتي وانا ملكت عليها باجازة الفطر لما رحت للرياض والعقبى لك إن شاء الله
رحت ظميته وباركت له بعد ما تأسفت له والربع صفوا طابور <<< تذكرت طابور المدرسة
يباركون للمعرس الجديد بس شرهوا عليه ليه ما علمنا قال وبكل صراحه : حبيت أفاجئكم وبعد خفت من مقالبكم وتوهيقاتكم فقلت أأجل الخبر أظمن وأحسن "

شفتوا هذي آخرة اللقافه والحكم على تصرفات الناس من غير علم أتمنى تكونون إستمتعوا

واذا فيه اخطاء املائية <<< لاتوقفون عندها هع هع

تحيااااتي لكم

ههههههههههههههههههههههههههه
وربي صادقه انو آخرة اللقافه شيء مو اي شيء..:رومووونااتيكـه
يسلموووووووووو قلبوووووووووووو.......

ههههههههههههههههههههههههههههههه
يسلمووووو حبيبتي ع الموضوع الروعه

يسسلمو على الرد

يسلمووووووو كتيرررررررررررررررررررررررررررررررر :jbm: uuuuu

:jbm:

هههههههههههههههههههههه
مررررررررررررررررره
يجنن الموزوع يالغاليه لا
تحرمينا جديدكـــ يالغاليه
تقبلي مروري تحححياتي آآآآخر اللقافة شوفو وش آآآآخرتها............ 559890

آآآآخر اللقافة شوفو وش آآآآخرتها............ 559890

ههههههههههههههههههههههههههه
وربي انه خطييييييييييييره
ومسوي فيه اني اعلم البنت ياحليله بسسس

هههههههههههههههههههههههههههههه
خطيره تسسسلميين يالغلا

ههههههه وربي خطييير اما السنة الظاحكة

تسللميييين ولا تحرمينا جديدك

» تعالو شوفو ..كذاب ومحشش!!
» شوفو كيف المواقف ولا بلاش هههههههههه
» آلبنت آليآبآنيه وآلبنت آلخليجيه شوفو آلفررق............